పాత్రికేయుడి కుటుంబానికి సాయం

బ్యాంకు చెక్కు అందిస్తున్న స్వామినాథన్‌

చెన్నై, న్యూస్‌టుడే: డీఎంకే అధికార పత్రిక మురసొలి ఉప సంపాదకుడు రాజా మరణించిన నేపథ్యంలో ఆయన కుటుంబానికి రూ.5 లక్షల సాయాన్ని ప్రభుత్వం ప్రకటించింది. సీఎం జనరల్‌ ఫండ్‌, పాత్రికేయుల కుటుంబ సహాయ నిధి పథకం కింద ఈ మొత్తానికి సంబంధించిన బ్యాంకు చెక్కును సచివాలయంలో సమాచారశాఖ మంత్రి స్వామినాథన్‌ అందజేశారు. ఈ సందర్భంగా సమాచార, ప్రజా సంబంధాలశాఖ సంచాలకులు మోహన్‌, పాత్రికేయుల సంక్షేమ బోర్డు అధికారేతర సభ్యులు, ఉన్నతాధికారులు ఉన్నారు.