కౌన్సిలర్ల నిరసన

రాహుల్‌ గాంధీ చిత్రపటంతో నిరసన తెలుపుతున్న దృశ్యం

కోయంబత్తూరు, న్యూస్‌టుడే: కార్పొరేషన్‌ బడ్జెట్‌ సమావేశానికి కాంగ్రెస్‌ కౌన్సిలర్లు నల్ల దుస్తులు ధరించి వచ్చి ఆందోళన చేపట్టారు. కోయంబత్తూరు కార్పొరేషన్‌ కార్యాలయంలోని విక్టోరియా హాల్‌లో మేయర్‌ కల్పన ఆనందకుమార్‌ నేతృత్వంలో 2023-24 ఏడాదికిగాను బడ్జెట్‌ సమావేశం శుక్రవారం జరిగింది. కార్పొరేషన్‌ కమిషనరు ప్రతాప్‌, డిప్యూటీ మేయర్‌ వెట్రిసెల్వన్‌, కౌన్సిలర్లు పాల్గొన్నారు. బడ్జెట్‌ నివేదికను మేయర్‌ చదివి వినిపించారు. కార్పొరేషన్‌ ఆదాయం రూ.3,018.90 కోట్లు, వ్యయం రూ.3,029.07 కోట్లు, రెవెన్యూ లోటు రూ.10.17 కోట్లుగా తెలిపారు. ఈ సందర్బంగా రాహుల్‌ గాంధీకి జైలు శిక్ష విధించడాన్ని ఖండిస్తూ కాంగ్రెస్‌ కౌన్సిలర్లు నల్ల దుస్తులు ధరించి నిరసన తెలిపారు.