నిర్బంధ తమిళం అమలుకు వినతి

వినతిపత్రాన్ని పరిశీలిస్తున్న రంగస్వామి

చెన్నై, న్యూస్‌టుడే: పుదుచ్చేరిలో నిర్బంధ తమిళాన్ని అమలు చేయాలంటూ ముఖ్యమంత్రి రంగస్వామికి పలు సంఘాల ప్రతినిధులు వినతిపత్రం అందించారు. పుదుచ్చేరిలోని ప్రభుత్వ పాఠశాలల్లో సీబీఎస్‌ఈ పాఠ్యప్రణాళికను అమలు చేయనున్న విషయం తెలిసిందే. ఈ పాఠ్యప్రణాళికలో తమిళం ఐచ్ఛికంగా ఉంటుందని ప్రకటించారు. ఈ నేపథ్యంలో మక్కళ్‌ ఉరిమై కూట్టమైపు కార్యదర్శి సుకుమారన్‌ అధ్యక్షతన పలు సంఘాల ప్రతినిధులు ముఖ్యమంత్రి రంగస్వామిని కలిశారు. నిర్బంధ తమిళాన్ని ప్రవేశపెట్టాలని కోరుతూ వినతిపత్రం అందించారు. ఇప్పటికే పలు వర్గాలు నుంచి డిమాండ్లు వెల్లువెత్తడంతో దీనిపై విద్యాశాఖ మంత్రి నమశివాయం, విద్యాశాఖ కార్యదర్శి జవహర్‌తో రంగస్వామి చర్చలు జరపగడం గమనార్హం. నిర్బంధ తమిళం వైపు తమ ప్రభుత్వం కూడా మొగ్గు చూపుతోందని రంగస్వామి వెల్లడించారు.