మృత్యువులోనూ వీడని బంధం

రామ్‌ , తంగమణి (పాత చిత్రం)

మహాబలిపురం, న్యూస్‌టుడే: చెంగల్పట్టు జిల్లా తిరుప్పోరూర్‌ సమీప సెంబాక్కం పంచాయతీ అచ్చరవాక్కం గ్రామానికి చెందిన రామ్‌ (75) 2001-06 వరకు పంచాయతీ అధ్యక్షుడిగా పని చేశారు. ఇతని భార్య తంగమణి (65). వీరికి పిల్లలు లేరు. రామ్‌ గత కొద్ది నెలలుగా అనారోగ్యంతో బాధపడుతూ ఆసుపత్రిలో చికిత్స పొందుతూ వచ్చాడు. సోమవారం చికిత్స పలించక రామ్‌ మృతి చెందాడు. ఈ విషయం తెలిసిన గ్రామస్థులు, రామ్‌ స్నేహితులు అంత్యక్రియల ఏర్పాట్లు చేస్తుండగా, భర్త మృతిని తట్టుకోలేక తంగమణి గుండె పోటుకు గురైంది. ఆమెను చికిత్సకోసం కేళంబాక్కం ఆసుపత్రికి తరలించారు. అక్కడ ఆమె మంగళవారం సాయంత్రం మృతి చెందింది. వృద్థ దంపతులు ఒకరి వెంట ఒకరు మృతి చెందడంతో ఇద్దరు మృతదేహాలను మంగళవారం రాత్రి ఒకే వాహనంలో ఉంచి శ్మశానానికి తీసుకు వెళ్లి కుటుంబ సభ్యులు అంత్య క్రియలు నిర్వహించారు.