పిల్లలతో తల్లిదండ్రులు అధిక సమయం గడపాలి

తమిళిసై

విద్యార్థులు తయారుచేసిన కళా ఖండాలను తిలకిస్తున్న ఇన్‌ఛార్జి ఎల్జీ

ఆర్కేనగర్‌, న్యూస్‌టుడే: పిల్లల్లో మానసిక ఒత్తిడి తగ్గించేందుకు తల్లిదండ్రులు వారితో అధిక సమయం గడపాలని పుదుచ్చేరి ఇన్‌ఛార్జి లెఫ్టినెంట్‌ గవర్నరు తమిళిసౌ సౌందరరాజన్‌ తెలిపారు. ప్రభుత్వ పాఠశాల విద్యార్థుల్లో నైపుణ్యాలను వెలికితీయడానికిగాను నిర్వహించిన ‘నైపుణ్యం తెలుసుకుందాం’ కార్యక్రమం పుదుచ్చేరి రాజ్‌నివాస్‌లో గురువారం జరిగింది. దీనికి తమిళిసై నేతృత్వం వహించారు. కార్యక్రమంలో ప్రభుత్వ పాఠశాల విద్యార్థులు 10 మంది పాల్గొని భరతనాట్యం, కర్రసాము, సంగీత వాద్యాలు వాయించడం, పనికిరాని వస్తువుల నుంచి కళా ఖండాలు తయారుచేయడం వంటి పలు ప్రతిభలను ప్రదర్శించారు. ఈ సందర్భంగా తమిళిసౌ మాట్లాడుతూ... పిల్లల్లో మానసిక ఒత్తిడిని తగ్గించేందుకు తల్లిదండ్రులు వారికి అధిక సమయం కేటాయించాలని తెలిపారు. విద్యార్థుల్లో దాగి ఉన్న ప్రతిభలను గుర్తించి వారిని అంతర్జాతీయ పోటీల్లో పాల్గొనేలా శిక్షణ ఇప్పించాలన్నారు. ఇందుకు గవర్నర్‌ మాలిగై విద్యార్థులకు సాయపడుతుందని పేర్కొన్నారు.