ఫైనాన్స్‌ కంపెనీ రూ.300 కోట్ల మోసం

పోలీసులకు బాధితుల ఫిర్యాదు

ఆర్కేనగర్‌, న్యూస్‌టుడే: తంజావూర్‌ జిల్లా కుంభకోణంలో అర్జున్‌కార్తిక్‌ అనే వ్యక్తి ‘శ్రీసాయి క్రిప్టో కన్సల్టెన్సీ’ పేరిట ఓ కంపెనీని 2021 నుంచి నడుపుతున్నాడు. దీని శాఖలు తంజావూర్‌, తిరువారూర్‌, నాగపట్నం, కడలూర్‌లలో ఉన్నాయి. ఇందులో రూ.లక్ష పెట్టుబడి పెడితే 18 నెలల్లో రూ.15 వేలు వడ్డి ఇస్తామని, దీంతోపాటు బంగారు నాణెం అందిస్తామని ప్రకటించారు. దీంతో ప్రజలు పెట్టుబడి పెట్టారు. తర్వాత వడ్డీ ఇవ్వకపోవడంతో పెట్టుబడిదారులు పోలీసులను ఆశ్రయించారు. ఈ నేపథ్యంలో అన్ని శాఖల మీద మొత్తం రూ.300 కోట్లు వసూలు చేసి మోసానికి పాల్పడినట్లు ఆరోపిస్తూ బాధితులు కొందరు గురువారం తిరుచ్చి ఐజీ కార్యాలయంలో ఫిర్యాదు చేశారు.