logo
Published : 05/12/2021 05:06 IST

గమ్య నగరి నుంచి.. తిరుమల గిరికి!

విశాఖ-తిరుపతి ప్యాకేజీ పునరుద్ధరణ

ఏపీ పర్యాటకాభివృద్ధి సంస్థ (ఏపీటీడీసీ) విశాఖ- తిరుపతి ప్యాకేజీని పునరుద్ధరించింది. జనవరి నుంచి టిక్కెట్లు బుక్‌ చేసుకునే అవకాశం అందుబాటులోకి తీసుకొచ్చారు. ఈ వివరాలను వెబ్‌సైట్‌లో పొందుపరిచారు. కొవిడ్‌కు ముందు ఈ ప్రత్యేక ప్యాకేజీ నిర్వహించేవారు. తరువాత తాత్కాలికంగా నిలిపేశారు. దీనిపై సెప్టెంబరు ఒకటిన ‘ఆ బస్సుల్లో బస భలే’ శీర్షికతో ‘ఈనాడు’లో కథనం ప్రచురితమైంది. స్పందించిన అధికారులు తాజాగా ప్యాకేజీని అందుబాటులోకి తెచ్చారు. రవాణా సదుపాయంతో పాటు తిరుపతిలో స్వామి దర్శనం, బస ఏర్పాటు, ఆతిథ్య సేవలు పర్యాటశాఖే చూసుకునే అవకాశం ఉండటంతో దీనికి ప్రాధాన్యం ఏర్పడింది. గమ్యనగరిగా పేర్కొనే విశాఖ నుంచి ఆధ్యాత్మిక కేంద్రం తిరుపతికి పెద్ద సంఖ్యలోనే వెళ్లేవారు.

● ఇలా అమలు: వారంలో బుధ, శుక్ర, శనివారాల్లో ఈ ప్యాకేజీ అమలు చేయనున్నట్లు వెబ్‌సైట్లో పేర్కొన్నారు. రెండు రాత్రులు, మూడు పగళ్లు ఉండేలా ప్రణాళిక చేశారు. విశాఖ నుంచి బస్సు బయలు దేరుతుంది. పాయకరావుపేట వరకూ ప్రయాణికులను ఎక్కించుకుంటారు. రాజమహేంద్రవరం, విజయవాడలోనూ సేవలను వినియోగించుకోవచ్ఛు

● బస్సులు ఎలా: ప్యాకేజీని పునరుద్ధరించడం వరకూ బాగానే ఉన్నా.... ఏ బస్సులు వినియోగిస్తారనేది ప్రశ్నార్థకంగా ఉంది. గతంలో వినియోగించిన వోల్వోలు ప్రస్తుతం లేవు. ఒకటున్నా సాంకేతిక సమస్యలతో రోడ్డెక్కటం లేదు. గతంలో తిరుపతి ప్యాకేజీ కోసం ఏపీ పర్యాటకాభివృద్ధి సంస్థ 44 సీట్లు కలిగిన రెండు వోల్వో బస్సులను విశాఖకు కేటాయించింది. వాటిల్లో ఒకటి అప్పుడే వెనక్కు తీసుకున్నారు. కొద్ది రోజులు ఒక బస్సుతో నెట్టుకొచ్చారు. ఏడు నెలలుగా దానిని నడపడంలేదు. అపరాధ రుసుం చెల్లించి రోడ్డు ఎక్కించాలని చూస్తున్నారు. నెలలుగా తిప్పకపోవడంతో దాని సామర్థ్యాన్ని తనిఖీ చేయాల్సి ఉంది. చిన్నపాటి సమస్యలు, సాంకేతిక ఇబ్బందులు పరిష్కరించాలి. దీనికి అదనంగా మరికొంత వ్యయం అయ్యే అవకాశం ఉంది.

Read latest Visakhapatnam News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని