హౌస్‌ వైరింగ్‌లో ఉచిత శిక్షణ

కొత్తూరు(అనకాపల్లి), న్యూస్‌టుడే: అనకాపల్లిలోని భారతీయ స్టేట్‌ బ్యాంక్‌ ఆఫ్‌ ఇండియా జిల్లా గ్రామీణ స్వయం ఉపాధి శిక్షణ సంస్థలో ఈ నెల 14 నుంచి నిరుద్యోగ యువకులకు నెల రోజుల హౌస్‌ వైరింగ్‌ కోర్సు ఉచిత శిక్షణ కార్యక్రమం ప్రారంభం కానుందని ఆ సంస్థ సంచాలకుడు పి.జయరాజు తెలిపారు. ఉచితంగా శిక్షణతో పాటు భోజన, వసతి సౌకర్యం కల్పిస్తామన్నారు. ఉచితంగా ఏకరూపు దుస్తులు, టూల్‌ కిట్‌లను అందజేస్తామన్నారు. శిక్షణ పూర్తయిన అభ్యర్థులకు ధ్రువపత్రాలను అందజేయడంతో పాటు ఉద్యోగ, ఉపాధి కల్పనకు సహకరిస్తామన్నారు. అలాగే అర్హులకు బ్యాంకు రుణాలను మంజూరు చేయిస్తామన్నారు. పదోతరగతి చదివిన గ్రామీణ జిల్లాకు చెందిన యువకులు దరఖాస్తులను అనకాపల్లి ఆర్టీసీ బస్‌ స్టేషన్‌ సమీపంలో పూడిమడక రహదారిలో మార్గంలో పీఎస్‌ఎం ప్లాజాలో ఉన్న కార్యాలయంలో అందజేయాలన్నారు. పూర్తి సమాచారానికి కార్యాలయ పనివేళల్లో ఫోన్‌ సంఖ్య 80083 33509 లో సంప్రదించొచ్చని ఆయన తెలిపారు.