‘పైపులైన్‌ తొలగించకుంటే ఉరే శరణ్యం’

మెడకు ఉరితాడుతో మత్స్యకారుల నిరసన

నక్కపల్లి, న్యూస్‌టుడే: హెటిరో మందుల పరిశ్రమ యాజమాన్యం కంపెనీ నుంచి సముద్రంలోకి వేస్తున్న పైపులైన్‌ను తొలగించకపోతే తమకు ఉరే శరణ్యమని మత్స్యకార నాయకులు అన్నారు. రాజయ్యపేట-దొండవాక మార్గంలో వీరంతా చేపడుతున్న శాంతియుత ధర్నా అయిదో రోజుకు చేరింది. ఆ మేరకు నిరసనకారులు ఆదివారం మెడకు ఉరితాళ్లు తగిలించుకుని వినూత్నంగా ఆందోళన చేపట్టారు. ఈ సందర్భంగా వీరు మాట్లాడుతూ సోమవారం భారీ పాదయాత్ర చేపడుతున్నట్లు తెలిపారు. కంబాల అమ్మోరియ్య, జడ్పీటీసీ సభ్యురాలు గోసల కాసులమ్మ, అప్పలరాజు, కొర్లయ్య, నాగేశ్‌, వీరన్న తదితరులు పాల్గొన్నారు.