వైకాపా కౌన్సిలర్‌ దాడి..

నర్సీపట్నం అర్బన్‌, న్యూస్‌టుడే: కనుమ పండగ రోజున ఓ విందు కార్యక్రమంలో ఉన్న తనపై వైకాపా పట్టణ అధ్యక్షుడు, ఎనిమిదో వార్డు కౌన్సిలర్‌ కోనేటి రామకృష్ణ దాడి చేసి గాయపరిచారంటూ ఆర్టీసీ బస్టాండ్‌లో మీ-సేవ కేంద్రం నడుపుతున్న ఎస్‌.విజయ్‌కుమార్‌ సోమవారం పోలీసులకు ఫిర్యాదు చేశారు. ఆదివారం రాత్రి విందులో ఉండగా అక్కడకు వచ్చిన రామకృష్ణ తొలుత తిట్టారని, తర్వాత ఇంటికి వచ్చి దాడి చేసి గాయపరిచారని ఫిర్యాదులో పేర్కొన్నారు. అర్ధరాత్రి సమయంలో ప్రాంతీయ ఆసుపత్రికి వెళ్లి కుట్లు వేయించుకున్నానని, సోమవారం స్టేషన్‌కు వచ్చి ఫిర్యాదు చేసినట్లు బాధితుడు విజయ్‌కుమార్‌ పేర్కొన్నారు. విజయ్‌కుమార్‌పై కౌన్సిలర్‌ రామకృష్ణ కూడా ఫిర్యాదు చేశారని, కేసు నమోదు చేసి దర్యాప్తు చేస్తున్నట్లు ఎస్సై నారాయణరావు చెప్పారు.