హాల్‌టిక్కెట్లు అందక డిప్లొమో విద్యార్థుల ఆందోళన

నేటి నుంచి డౌన్‌లోడ్‌ చేసుకోవచ్చన్న ప్రిన్సిపాల్‌

కంచరపాలెం, న్యూస్‌టుడే: పాలిటెక్నిక్‌ డిప్లొమో విద్యార్థులకు హాల్‌టిక్కెట్లు అందక పోవడంతో ఆవేదన చెందుతున్నారు. అయిదో సెమిస్టరు పరీక్షలు ఈనెల 20 నుంచి ప్రారంభం కానున్నాయి. కంచరపాలెం ప్రభుత్వ పాలిటెక్నిక్‌లో సివిల్‌, ఎలక్ట్రికల్‌, మెకానికల్‌, మెటలర్జీ బ్రాంచ్‌లు ఉండగా, ప్రభుత్వ కెమికల్‌ పాలిటెక్నిక్‌ కళాశాలలో కెమికల్‌కు సంబంధించిన బ్రాంచ్‌లు ఉన్నాయి. జిల్లాలో ఎనిమిది ప్రభుత్వ పాలిటెక్నిక్‌ కళాశాలలుండగా, పద్దెనిమిది ప్రయివేటు పాలిటెక్నిక్‌ కళాశాలలు, నాలుగు ఇంజినీరింగ్‌ కళాశాలలో సెకెండ్‌ షిప్ట్‌లలో పాలిటెక్నిక్‌ కళాశాలలు నడుస్తున్నాయి. ఆయా కళాశాలలో వేలాది మంది విద్యార్థులకు పరీక్షలు జరగనున్నాయి. ఇదే విషయమై ప్రభుత్వ పాలిటెక్నిక్‌ కళాశాల ప్రిన్సిపల్‌ జి.వి.వి. సత్యనారాయణ మూర్తిని ‘న్యూస్‌టుడే’ వివరణ కోరగా హాల్‌టిక్కెట్లు బుధవారం నుంచి ఆన్‌లైన్‌లో డౌన్‌లోడ్‌ చేసుకోవచ్చన్నారు. కళాశాలలోనూ అందజేస్తార న్నారు. ఎక్కడ చదువుతున్నారో అక్కడే పరీక్షలు జరగనుండడంతో హాల్‌టిక్కెట్ల విషయంలో ఇబ్బందులు పడాల్సిన అవసరం లేదన్నారు.