పేదల సంక్షేమానికి యువత పాటుపడాలి

దివ్యాంగులకు, వృద్దులకు దుప్పట్లు పంపిణీ చేస్తున్న ఛైర్‌పర్సన్‌ రమాకుమారి

ఎలమంచిలి పట్టణం, న్యూస్‌టుడే: పేద ప్రజల సంక్షేమానికి యువకులు పాటుపడాలని పురపాలక సంఘం ఛైర్‌పర్సన్‌ పిళ్లా రమాకుమారి అన్నారు. ఎలమంచిలిలో విశాఖ డెయిరీ వైస్‌ఛైర్మన్‌ ఆడారి ఆనంద్‌కుమార్‌ పుట్టినరోజు వేడుకలను ఆయన అభిమానులు, నాయకులు ఘనంగా నిర్వహించారు. పట్టణంలో దివ్యాంగులు, వృద్ధులు, పేదలకు రమాకుమారి దుప్పట్లు పంపిణీ చేశారు. ఆడారి వెంకట్‌ ఆధ్వర్యంలో కొక్కిరాపల్లి ప్రేమ సమాజంలో అనాథలకు నిత్యావసరాలు, దుస్తులు పంపిణీ చేశారు. అన్నదాన కార్యక్రమం ఏర్పాటు చేశారు. అనంతరం విశాఖపట్నం వెళ్లి ఆనంద్‌కు పుట్టినరోజు శుభాకాంక్షలు తెలిపారు. ఆడారి శ్రీధర్‌, పూరి జగన్నాథం, మళ్ల కొండబాబు, జానకీరామ్‌, బొడ్డేటి సురేష్‌, దాడి రమేష్‌ తదితరులు పాల్గొన్నారు.