కొత్త వేతనాల అమలుకు డిమాండ్‌

ఉక్కు సీజీఎం (వర్క్స్‌) అభిజిత్‌ చక్రవర్తికి వినతిపత్రం అందజేస్తున్న అఖిలపక్ష కార్మిక నాయకులు

ఉక్కునగరం (గాజువాక), న్యూస్‌టుడే : విశాఖ ఉక్కు కార్మికులకు నూతన వేతనాలు అమలు చేయాలని, పాత బకాయిలు చెల్లించాలని కోరుతూ ఉక్కు అఖిలపక్ష కార్మిక సంఘాల ఆధ్వర్యంలో గురువారం ఈడీ (వర్క్స్‌) కార్యాలయం వద్ద ధర్నా నిర్వహించారు. ధర్నాలో పాల్గొన్న కార్మికులను ఉద్దేశించి పలువురు నాయకులు మాట్లాడారు. వేతనాల సమస్యను పరిష్కరించాలని కోరుతూ పలుమార్లు విన్నవించినా... యాజమాన్యం స్పందించక పోవడం దారుణమన్నారు. ఎన్‌జేసీఎస్‌లో జరిగిన ఒప్పందం మేరకు వెంటనే వేతనాలు చెల్లించాలని కోరారు. ఇప్పటికైనా యాజమాన్యం స్పందించకుంటే.. తీవ్ర పరిణామాలు ఉంటాయని హెచ్చరించారు.

* అనంతరం ఉక్కు సీజీఎం (వర్క్స్‌) అభిజిత్‌ చక్రవర్తికి వినతిపత్రం అందజేశారు. సిటూ, ఏఐటీయూసీ, ఇంటక్‌, బీఎంఎస్‌, హెచ్‌ఎంఎస్‌, వైఎస్సార్‌టీయూసీ, టీఎన్‌టీయూసీ తదితర కార్మిక సంఘాల నాయకులు పాల్గొన్నారు.