పంచ కల్యాణి.. పరుగులో మేటి

పోటీలో గుర్రంపై దూసుకెళ్తూ..

వేపాడ, న్యూస్‌టుడే: బంగారమ్మ జాతర సందర్భంగా రాయుడుపేటలో శనివారం సాయంత్రం నిర్వహించిన గుర్రాల పరుగు పోటీలు ఉత్సాహంగా సాగాయి. దీనిలో విశాఖ, విజయనగరం జిల్లాలకు చెందిన మొత్తం 14 గుర్రాలు పాల్గొన్నాయి. పోటీల్లో మండలంలోని నల్లబిల్లి గ్రామానికి చెందిన అన్నవరం అశ్వం విజేతగా నిలిచి రూ. 10,000 గెలుచుకుంది. జామి మండలం అలమండకు చెందిన శ్రీనురాజు గుర్రం జ్వాల రెండో స్థానంలో నిలిచి రూ. 6వేలు దక్కించుకుంది. విశాఖ జిల్లా చోడవరం నుంచి వచ్చిన మరిడిమాంబ విజయసాయికి చెందిన పంచకల్యాణి మూడో బహుమతి రూ. 5వేలు దక్కించుకుంది. మరో నాలుగింటికి నగదు ప్రోత్సాహకాలను డీసీసీబీ ఛైర్మన్‌ చినరామునాయుడు, జడ్పీటీసీ సభ్యులు అప్పలనాయుడు, గ్రామ పెద్ద అప్పారావు చేతుల మీదుగా అందజేశారు.