రోడ్డు ప్రమాదంలో ఉక్కు ఉద్యోగి మృతి

మృతుడు రత్నప్రసాద్‌

ఉక్కునగరం(గాజువాక), న్యూస్‌టుడే : ఉక్కునగరంలో ఆదివారం జరిగిన రోడ్డు ప్రమాదంలో ఓ ఉద్యోగి మృతి చెందారు. స్టీల్‌ప్లాంట్‌ పోలీసుల వివరాల మేరకు.. విశాలాక్షినగర్‌ ప్రాంతానికి చెందిన టి.రత్నప్రసాద్‌ (53) కర్మాగారంలోని ఎస్‌ఎంఎస్‌-1లో జనరల్‌ ఫోర్‌మెన్‌గా విధులు నిర్వహిస్తున్నారు. ఆదివారం బి-షిఫ్ట్‌ విధులకు హాజరయ్యేందుకు కారులో వస్తుండగా... ప్రధాన పరిపాలన భవనం సమీపంలోకి రాగానే వాహనం అదుపుతప్పి చెట్టును బలంగా ఢీ కొట్టింది. తీవ్ర గాయాలైన ఆయన్ను ఉక్కు సీఐఎస్‌ఎఫ్‌ సిబ్బంది స్టీల్‌ జనరల్‌ ఆసుపత్రికి తరలించారు. అయితే అప్పటికే మృతి చెందినట్టు వైద్యులు నిర్ధారించారు. ఈ ఘటనపై కేసు నమోదు చేసి దర్యాప్తు చేస్తున్నామని పోలీసులు తెలిపారు. మృతుడికి భార్య, కుమార్తె ఉన్నారు.

చెట్టుని ఢీకొట్టిన కారు