గోవా మద్యంతో నలుగురి అరెస్టు

పట్టుబడిన కారు

పాయకరావుపేట, న్యూస్‌టుడే: అక్రమంగా మద్యం తరలిస్తున్న నలుగుర్ని పేట పోలీసులు అరెస్టు చేశారు. ఎస్సై ప్రసాదరావు తెలిపిన వివరాల ప్రకారం.. జాతీయ రహదారిపై తాండవ కూడలిలో వాహన తనిఖీలు చేపట్టగా.. నక్కపల్లి వైపు కారులో వస్తున్న వ్యక్తులు పోలీసులను చూసి పారిపోయేందుకు యత్నించారు. వారిని పోలీసులు వెంబడించి అదుపులోకి తీసుకున్నారు. కారులో గోవా నుంచి తీసుకువస్తున్న ఏడు మద్యం సీసాలు, చెర్రస్‌ (గంజాయితో చేసిన నల్లముద్ద)ను స్వాధీనం చేసుకున్నామన్నారు. నిందితులు విశాఖకు చెందిన రాజమనోహర్‌, అణికుమార్‌, షణ్ముక్‌సూర్యఅఖిల్‌, ప్రకాష్‌గా గుర్తించినట్లు పేర్కొన్నారు.