పాఠం చెప్పిన సర్పంచి

రావికమతం, న్యూస్‌టుడే: గుడ్డిప గ్రామ సర్పంచి గుమ్మాల గణేష్‌ కుమార్‌ సోమవారం ఉపాధ్యాయుడుగా మారి పాఠాలు బోధించారు. సోమవారం గుడ్డిప ప్రాథమిక పాఠశాలలో అయిదో తరగతి చదువుతున్న విద్యార్థులకు గణితంలో ‘డిఫరెంట్‌ టైప్స్‌ ఆఫ్‌ షేప్స్‌’ గురించి బోధించారు. గణేష్‌ కుమార్‌ ఎంటెక్‌, ఎల్‌.ఎల్‌.బి. చదివారు. సర్పంచిగా ఎన్నికవక ముందు విశాఖలోని రఘు ఇంజినీరింగ్‌ కాలేజీలో అసిస్టెంట్‌ ప్రొఫెసర్‌గా పనిచేశారు. పాఠశాలను సందర్శించిన ఆయన మధ్యాహ్న భోజనం, తాగునీరు, ఇతరత్రా సౌకర్యాలు పరిశీలించారు. క్లాస్‌ టైం టేబుల్‌ పరిశీలించి అయిదో తరగతి గది విద్యార్థులు ఖాళీగా ఉండటంతో లెక్కలను బ్లాక్‌బోర్డుపై చేసి చూపించారు. అన్ని తరగతుల్లోనూ బోధన కొనసాగేలా చూడాలని ప్రధానోపాధ్యాయుడికి సూచించారు.