కార్యదర్శిపై విచారణ చేపడతాం

డీఎల్‌పీవో

అరకులోయ, న్యూస్‌టుడే: భీంపోల్‌ పంచాయతీ కార్యదర్శిపై ఈనెల 31న విచారణ చేపట్టనున్నట్లు డీఎల్‌పీవో కుమార్‌ తెలిపారు. గ్రామంలో లేఅవుట్‌, రిసార్ట్స్‌ నిర్మాణానికి నిబంధనలకు విరుద్ధంగా కార్యదర్శి అనుమతులు ఇచ్చిన వ్యవహారంపై ‘ఈనాడు’లో గురువారం ‘ఆయన చెప్తే అడ్డగోలుగా అనుమతి’ శీర్షికన వెలువడిన కథనానికి ఆయన స్పందించారు. ఈనెల 31న సమగ్ర విచారణ చేపట్టి చర్యలు తీసుకుంటామని చెప్పారు. మరోవైపు పంచాయతీ కార్యదర్శిపై ఇంటెలిజెన్స్‌ పోలీసులు రహస్యంగా విచారణ చేపట్టినట్లు సమాచారం. అధికార పార్టీ నాయకుల అండదండలతో అక్రమాలు చేస్తున్న అధికారులపై ఐటీడీఏ పీవో, జిల్లా కలెక్టర్‌ చర్యలు చేపట్టాలని తెదేపా నాయకులు జోగులు, ఆనంద్‌, బుజ్జిబాబు డిమాండ్‌ చేశారు.