బీసీలకు ఏం చేశారని బస్సు యాత్ర: తెదేపా

వన్‌టౌన్, న్యూస్‌టుడే: బీసీలకు ఏం చేశారని వైకాపా మంత్రులు బస్సు యాత్ర చేపడుతున్నారని తెదేపా బీసీ సెల్‌ విశాఖ జిల్లా అధ్యక్షులు తమ్మిన విజయ్‌ ప్రశ్నించారు. శనివారం పార్టీ కార్యాలయంలో నిర్వహించిన విలేకర్ల సమావేశంలో ఆయన మాట్లాడుతూ బడుగు, బలహీన వర్గాలకు రూ.వేల కోట్లు పంచామని చెబుతున్న సీఎం జగన్‌ వాస్తవానికి ఏమీ చేయలేదన్నారు. రెండేళ్లలో రూ.18,226 కోట్ల బీసీ నిధులు దారి మళ్లించారని విమర్శించారు. బీసీ నాయకులు అనసూరి మదు, నారాయణ మాట్లాడుతూ రెండు, మూడు పదవులు ఇచ్చినంత మాత్రాన బీసీల సాధికారికత సాధ్యం కాదని, క్షేత్రస్థాయిలో పలు పథకాలు పక్కాగా అమలు చేయాలన్నారు.