‘మహానాడు’లో జిల్లా నేతల సందడి

మహానాడుకు హాజరైన పీలా గోవిందు సత్యనారాయణ, గణబాబు, బండారు, పల్లా శ్రీనివాసరావు తదితరులు

వన్‌టౌన్‌, న్యూస్‌టుడే: మహానాడులో జిల్లా తెదేపా నేతలు తొలిరోజు శుక్రవారం సందడి చేశారు. జిల్లాకు సంబంధించి ఏర్పాటు చేసిన కౌంటర్‌లో అసెంబ్లీ నియోజకవర్గాల బాధ్యులు, ఎమ్మెల్యేలు పేర్లు నమోదు చేసుకున్నారు. జిల్లాలోని ముఖ్య నేతలెవరికీ మహానాడులో ప్రతిపాదిత అంశాలపై మాట్లాడే అవకాశం రాలేదు. పార్టీ రాష్ట్ర ప్రధాన కార్యదర్శి మహమ్మద్‌ నజీర్‌కు మాత్రం మైనార్టీలకు సంబంధించిన అంశంపై మాట్లాడే అవకాశం దక్కింది.

పేరు నమోదు చేసుకుంటున్న ఎమ్మెల్యే వెలగపూడి

* విశాఖ లోక్‌సభ నియోజకవర్గ అధ్యక్షులు పల్లా శ్రీనివాసరావు, ఎమ్మెల్యేలు వెలగపూడి రామకృష్ణబాబు, గణబాబు, నియోజకవర్గ బాధ్యులు గండిబాబ్జీ, బండారు సత్యనారాయణమూర్తి, పీలా గోవిందు సత్యనారాయణ, పార్టీ నాయకులు మళ్ల సురేంద్ర తదితరులు మహానాడు కార్యక్రమాల్లో పాల్గొన్నారు. అన్ని నియోజకవర్గాల నేతలు హాజరయ్యారని పల్లా శ్రీనివాసరావు తెలిపారు. తెలుగు యువత విభాగ ప్రధాన కార్యదర్శి మొల్లిపెంటిరాజు రక్తదాన శిబిరంలో వాలంటీరుగా సేవలందించారు.