సైకిల్‌ తొక్కితే.. ఆరోగ్యం సొంతం

నర్సీపట్నం, న్యూస్‌టుడే: రోజూ సైకిల్‌ తొక్కే వారికి ఆరోగ్యం సొంతమవుతుందని మున్సిపల్‌ ఛైర్‌పర్సన్‌ ఆదిలక్ష్మి పేర్కొన్నారు. భారత ప్రభుత్వ యువజన క్రీడల మంత్రిత్వశాఖ, నెహ్రూ యువ కేంద్రం, జిల్లా క్రీడా ప్రాధికార సంస్థల ఆధ్వర్యంలో శుక్రవారం ఇక్కడ ప్రపంచ సైకిల్‌ దినోత్సవాన్ని ఘనంగా నిర్వహించారు. స్థానిక అబీద్‌ కూడలి నుంచి ప్రారంభమైన సైకిల్‌ ర్యాలీని ఛైర్‌పర్సన్‌ జెండా ఊపి ప్రారంభించారు. ఎంపీపీ సుర్ల రాజేశ్వరి సైకిల్‌ తొక్కి అందరిలోనూ ఉత్సాహాన్ని నింపారు. చిన్నారులు, విద్యార్థులు తదితరులు వంద మంది పాల్గొన్నారు. పెదబొడ్డేపల్లి కూడలి వరకూ ఇది కొనసాగింది. శాప్‌ కోచ్‌ అబ్బు, క్రీడాకారులు పాల్గొన్నారు.