‘కిరణ్‌కు బంగారు భవిష్యత్తు’

మార్కుల మెమో అందిస్తున్న ప్రిన్సిపల్‌, కరస్పాండెంట్‌

అచ్యుతాపురం, న్యూస్‌టుడే: ఊహించని ప్రమాదంలో తల్లిదండ్రులతో పాటు అయిన వారిందరినీ పోగొట్టుకుని ప్రాణాలతో బయటపడిన అచ్యుతాపురం మండలం మోసయ్యపేటకు చెందిన ఈగల కిరణ్‌ పదో తరగతి పూర్తిచేసి అందరి అభినందనలు పొందుతున్నాడు. స్థానిక భవానీ విద్యానికేతన్‌లో పదో తరగతి పూర్తిచేసి 449 మార్కులతో ఉత్తీర్ణత సాధించాడు. శుక్రవారం పాఠశాల వద్ద నిర్వహించిన కార్యక్రమంలో కిరణ్‌ని కరస్పాండెంట్‌ సంతోష్‌కుమార్‌, ప్రిన్సిపల్‌ శ్రీనివాసరావు, డైరెక్టర్‌ శ్రీలత అతడిని అభినందించి మంచి భవిష్యత్తు ఉందంటూ ధ్రువపత్రం అందించారు. మోసయ్యపేటకు చెందిన ఈగల కిరణ్‌ తల్లిదండ్రులతో పాటు 22 మంది కుటుంబ సభ్యులతో కలిసి వివిధ పుణ్యక్షేత్రాలకు వెళ్లి తిరిగి వస్తుండగా, 2015న జూన్‌ 13న అర్ధరాత్రి సమయంలో వీరు ప్రయాణిస్తున్న తుఫాన్‌ వాహనం రాజమండ్రి వద్ద ధవళేశ్వరం వంతెనపై నుంచి కిందపడిపోయింది. ఈ ప్రమాదంలో 22 మంది సంఘటన స్థలంలోనే దుర్మరణం చెందగా, కటిక చీకట్లో ఎనిమిదేళ్ల బాలుడైన ఈగల కిరణ్‌ మాత్రమే ప్రాణాలతో బయటపడిన విషయం తెలిసిందే.