logo
Published : 29 Jun 2022 03:42 IST

డీఎంహెచ్‌వోపై విచారణ!

ఈనాడు డిజిటల్‌, విశాఖపట్నం: విశాఖ జిల్లా వైద్యారోగ్యశాఖ అధికారి డా. విజయలక్ష్మిపై వచ్చిన ఫిర్యాదుపై ఉన్నతాధికారులు విచారణకు ఆదేశించారు. ఆమె గతంలో విజయనగరం జిల్లాలో డీఎంహెచ్‌వోగా, నర్సీపట్నంలో డిప్యూటీ డీఎంహెచ్‌వోగా పనిచేసిన సమయంలో నిధుల దుర్వినియోగానికి పాల్పడ్డారని ఆ శాఖ డైరెక్టర్‌కు కొందరు ఫిర్యాదు చేశారు. ఇటీవల కొన్ని పోస్టుల భర్తీలోను లొసుగులు జరిగాయని ఆరోపించారు. ఈ ఫిర్యాదుపై నెలలో విచారణ పూర్తిచేసి నివేదిక ఇవ్వాలని జోనల్‌ మలేరియా అధికారి డా.తిరుపతిరావును నియమించారు. ఈ విషయమై డీఎంహెచ్‌వో విజయలక్ష్మి వద్ద ప్రస్తావించగా ఇటీవల కొంతమంది డిప్యుటేషన్లు రద్దుచేశామని, దీంతో ఎవరో తనపై బురద జల్లాలనే ఇలాంటి తప్పుడు ఫిర్యాదులు చేసినట్లు తెలిసిందన్నారు. కనీసం ఫిర్యాదు చేసింది ఎవరనేది బయటపెట్టలేకపోవడమే దీనికి ఉదాహరణన్నారు. అసలు ఈ ఫిర్యాదుదారులు ఎవరో ముందు తెలుసుకోమన్నారు తప్ప విచారణ కాదని చెప్పారు.

Read latest Visakhapatnam News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని