తల్లిదండ్రులకు మంచి పేరు తీసుకు రండి

ఆనందపురం : తల్లిదండ్రులకు మంచి పేరు తీసుకొచ్చేలా ప్రతి విద్యార్థి మెలగాలని భీమిలి ఎమ్మెల్యే ముత్తంశెట్టి శ్రీనివాసరావు అన్నారు. మంగళవారం జగనన్న విద్యా కానుక కార్యక్రమాన్ని మండల విద్యాశాఖ అధికారులు ఆనందపురం ఉన్నత పాఠశాలలో నిర్వహించారు. ఈ కార్యక్రమంలో పాల్గొన్న ఎమ్మెల్యే ముత్తంశెట్టి శ్రీనివాసరావు మాట్లాడుతూ వివిధ సంక్షేమ పథకాల ద్వారా విద్యాభివృద్ధికి ఎనలేని సేవలను వైకాపా ప్రభుత్వం అందిస్తోందని తెలిపారు. అమ్మఒడి పథకం, నాడు నేడు, విద్యా కానుక పథకాలు దేశంలో ఎక్కడా లేని విధంగా అమలు చేస్తున్న ఘనత తమదేనని చెప్పారు. అనంతరం విద్యార్థులకు జగనన్న విద్యాకానుక కిట్లను పంపిణీ చేశారు. ఈ కార్యక్రమంలో ఎంపీపీ శారదా ప్రియాంక, జడ్పీటీసీ సభ్యుడు కె.వెంకట్రావు, మండల విద్యాశాఖ అధికారిణి పద్మావతి, ఎంపీడీవో లవరాజు, స్థానిక సర్పంచ్‌ కె.సీహెచ్‌ లక్ష్మి, స్థానిక ఎంపీటీసీ సభ్యుడు అప్పలస్వామి, వైకాపా నాయకులు పాల్గొ్న్నారు.