బయో డీజిల్‌ పరిశ్రమలో తనిఖీలు

కుమారపురంలోని పరిశ్రమ

పాయకరావుపేట గ్రామీణం, న్యూస్‌టుడే: కుమారపురంలోని ఆర్క్‌ ఇండియా పెట్రోలియం పరిశ్రమలో వాణిజ్య విభాగం అదనపు కమిషనర్‌ అజయ్‌కుమార్‌ ఆధ్వర్యంలో సోమవారం తనిఖీలు కొనసాగాయి. పారిశ్రామిక అవసరాలకు ఉపయోగపడే డీజిల్‌ తయారు చేస్తామని ఏర్పాటు చేసిన ఈ పరిశ్రమలో వాడేసిన వంట నూనె, ఇతర ఆయిల్స్‌ కలిపి నకిలీ పెట్రోలు ఉత్పత్తులు తయారు చేస్తునట్లు సంబంధిత శాఖ అధికారులకు సమాచారం అందింది. దీంతో రెండు రోజుల కిందట తనిఖీలు చేపట్టారు. జీఎస్టీని 18 శాతానికి బదులు 8 శాతం చెల్లిస్తున్నట్లు తనిఖీల్లో తెలింది. ఇక్కడ తయారైన పెట్రో ఉత్పత్తులను సీల్‌ వేసిన అధికారులు, మరోసారి నమూనాలు సేకరించారు. తహసీల్దార్‌ జయప్రకాష్‌, సిబ్బంది పాల్గొన్నారు.