అక్టోబర్‌ 5లోగా చెల్లింపులు

సింధియా, న్యూస్ట్‌టుడే: హిందుస్థాన్‌ షిప్‌యార్డులో 2019-20 ఆర్థిక ఏడాది లీవు ఎన్‌క్యాష్‌మెంట్‌ బకాయిలు అక్టోబర్‌  5వ తేదీలోగా చెల్లించడానికి యాజమాన్యం అంగీకరించిందని సంస్థ విశ్రాంత ఉద్యోగుల సంఘం నాయకులు బి.సత్యానందరావు తెలిపారు. శుక్రవారం 61వ వార్డు గ్రామ మండలిలో నిర్వహించిన సమావేశంలో ఆయన మాట్లాడారు. 2021-22 ఏడాదికి సంబంధించిన మొత్తాలను ఈ ఏడాది డిసెంబర్‌లోగా సభ్యులకు చెల్లించాలని యాజమాన్యానికి విన్నవించామన్నారు. ప్రతినిధులు జి.అప్పారావు, బి.వి.పాత్రో, కె.అప్పలరాజు, తిరుపతిరావు, ఎన్వీ.రమణ తదితరులు పాల్గొన్నారు.