ఆకట్టుకున్న శిలాజాల ప్రదర్శన

ప్రదర్శనను తిలకిస్తున్న విద్యార్థులు, ఆచార్యులు

ఏయూ ప్రాంగణం, న్యూస్‌టుడే : విద్యార్థులకు శాస్త్రీయ విజ్ఞానాన్ని అందించే విధంగా ప్రదర్శన ఏర్పాటు చేయడం మంచి పరిణామమని ఆంధ్ర విశ్వవిద్యాలయం రెక్టార్‌ ఆచార్య కె.సమత అన్నారు. శనివారం ఉదయం ఏయూ జియాలజీ విభాగంలో ఏయూ, ఇంటాక్‌ విశాఖ సంయుక్తంగా అంతర్జాతీయ జియో డైవర్సిటీ దినోత్సవంలో భాగంగా ఏర్పాటు చేసిన శిలాజాల ప్రదర్శన ప్రారంభించి తిలకించారు. పాఠశాల, కళాశాల విద్యార్థులకు నూతన ఆలోచనలను, సమున్నత ఆశయాలను కలిగించే విధంగా ఇటువంటి ప్రదర్శనలు నిలుస్తాయన్నారు. కార్యక్రమంలో సైన్స్‌ కళాశాల ప్రిన్సిపల్‌ ఆచార్య కె.శ్రీనివాసరావు, ఇంటాక్‌ విశాఖ కన్వీనర్‌ డాక్టర్‌ డి.రాజశేఖరరెడ్డి, జియాలజీ విభాగాధిపతి ఆచార్య కె.సత్యనారాయణ రెడ్డి, ఆచార్య ఇ.ఎన్‌.ధనుంజయరావు తదితరులు పాల్గొన్నారు.