చేయూతతో ఆర్థిక భరోసా

వైఎస్‌ విగ్రహానికి నివాళులర్పిస్తున్న ఉప ముఖ్యమంత్రి ముత్యాలనాయుడు, ఎంపీ సత్యవతి తదితరులు

కె.కోటపాడు, న్యూస్‌టుడే: రాష్ట్రంలోని అక్కచెల్లెమ్మలు సాధికారత సాధించేందుకు వైఎస్‌ఆర్‌ చేయూత పథకం దోహదపడుతుందని ఉప ముఖ్యమంత్రి బూడి ముత్యాలనాయుడు పేర్కొన్నారు. కె.కోటపాడు మండల కేంద్రంలో గురువారం పొదుపు సంఘాల మహిళలతో గురువారం బహిరంగ సభ నిర్వహించారు. ఎంపీ బీవీ సత్యవతితో కలిసి రూ.9.16 కోట్ల నమూనా చెక్కు అందజేశారు. ప్రతిపక్ష నాయకుడి హోదాలో జగన్‌మోహన్‌రెడ్డి పాదయాత్ర చేసినప్పుడు కె.కోటపాడులోనే చేయూత పథకం ద్వారా మహిళలందరికీ ఆర్థిక భరోసా కల్పిస్తామని హామీ ఇచ్చారని గుర్తు చేశారు. సభ ప్రారంభానికి ముందు జ్యోతిప్రజ్వలన చేసి వైఎస్‌ విగ్రహానికి పూలమాల వేసి నివాళులర్పించారు. చేశారు ఎంపీపీ రెడ్డి జగన్మోహన్‌, జడ్పీటీసీ సభ్యురాలు అనూరాధ, సర్పంచి అరుణ, ఎంపీడీఓ శచీదేవి, తహసీల్దారు రమేష్‌బాబు తదితరులు పాల్గొన్నారు.