ఆకట్టుకున్న నృత్య మిలాన్‌

భారత్‌, ఇండోనేషియా కళాకారులతో నిర్వహించిన నృత్యమిలాన్‌ ఆకట్టుకుంది. శ్రీప్రకాష్‌ విద్యానికేతన్‌లో గురువారం ఒడిస్సీ నృత్యకారిణి శ్రీరాధాపాల్‌, ఇండోనేషియాకు చెందిన కొరియోగ్రాఫర్‌ జోకో సుభిద్యో, నృత్యకారుడు సంజీవ్‌కుమార్‌ జీనా బృందం ప్రదర్శన ఇచ్చింది. సీతాపహరణం సన్నివేశాన్ని కళాకారులు ప్రదర్శించారు. వేదన, ఆగ్రహం, ఉక్రోషం హావభావాలను అద్భుతంగా పలికించారు. రెండు దేశాల సంప్రదాయాలను యువతకు పరిచయం చేసేందుకు ఇటువంటి కార్యక్రమాలు చేపడుతున్నామని శ్రీరాధాపాల్‌ పేర్కొన్నారు. వాయిద్యకారుడు దిమాస్‌ అదినాడ రాహర్జా, సీనియర్‌ ప్రిన్సిపల్‌ ఎంవీవీఎస్‌ మూర్తి పాల్గొన్నారు.

న్యూస్‌టుడే, పాయకరావుపేట