41 మంది ప్రధానోపాధ్యాయులకు శ్రీముఖాలు

విశాలాక్షినగర్‌, న్యూస్‌టుడే : ప్రతిరోజు విద్యార్థుల హాజరు ఆన్‌లైన్‌ యాప్‌ ద్వారా ఉదయం 10.30 గంటలలోపు నమోదు చేయాల్సి ఉన్నప్పటికీ డిసెంబర్‌ 2, 3వ తేదీల్లో విశాఖ జిల్లాలో హాజరు నమోదు చేయని 41 పాఠశాలల ప్రధానోపాధ్యాయులకు జిల్లా విద్యాశాఖాధికారిణి ఎల్‌.చంద్రకళ శ్రీముఖాలు జారీచేశారు. వీరంతా నోటిసు అందుకున్న ఒకరోజు లోపు సంజాయిషీ ఇవ్వాలని ఆదేశించారు. అందులో 37 ప్రైవేటు పాఠశాలలు కాగా కేవలం నాలుగు మాత్రమే ప్రభుత్వ పాఠశాలలు కావటం విశేషం. వీటిలో చాలా పాఠశాలలు రెండు రోజులు నమోదు చేయకపోగా కొన్ని ఒక రోజు మాత్రమే నమోదు చేయలేదు.