అణగారిన వర్గాల అభ్యున్నతి అంబేడ్కర్‌ చలవే

పేదలకు వస్త్రాలు పంపిణీ చేస్తున్న మంత్రి గుడివాడ అమర్‌నాథ్‌, ఎంపీ డాక్టర్‌ బీవీ సత్యవతి

అనకాపల్లి పట్టణం, న్యూస్‌టుడే: అణగారిన వర్గాలు ఈ రోజు తలెత్తుకు తిరుగుతున్నాయంటే అది అంబేడ్కర్‌ చలవేనని రాష్ట్ర పరిశ్రమలు, ఐటీ శాఖ మంత్రి గుడివాడ అమర్‌నాథ్‌ తెలిపారు. భీమునిగుమ్మంలో అంబేడ్కర్‌ వర్ధంతి సందర్భంగా మంగళవారం ఆయన విగ్రహానికి పూలమాల వేసి నివాళి అర్పించారు. అనంతరం ఎంపీ సత్యవతితో కలసి పేదలకు వస్త్రాలు పంపిణీ చేశారు. బీసీల అభ్యున్నతికి రాష్ట్ర ప్రభుత్వం పెద్ద పీట వేస్తుందని మంత్రి గుడివాడ అమర్‌నాథ్‌ తెలిపారు. వెనుకబడిన వర్గాలను మరింత బలోపేతం చేసేందుకు బుధవారం విజయవాడలో నిర్వహిస్తున్న బీసీ గర్జన విజయవంతం చేయాలని కోరారు. కార్యక్రమంలో వైకాపా నాయకులు మందపాటి జానకీరామరాజు, జాజుల రమేష్‌, కొణతాల మురళీకృష్ణ. ఉగ్గిన అప్పారావు పాల్గొన్నారు.