సైకిల్‌పై కశ్మీర్‌ నుంచి కన్యాకుమారికి..

తన యాత్ర గురించి నరసింహారావు, విద్యార్థినులకు వివరిస్తున్న సంజయ్‌ మయూరే

పాయకరావుపేట, న్యూస్‌టుడే: యువత సైక్లింగ్‌ పట్ల ఆసక్తి పెంచుకోవాలని సైకిల్‌ యాత్రికుడు సంజయ్‌మయూరే తెలిపారు. ఫిట్‌ ఇండియా పేరుతో కశ్మీర్‌ నుంచి కన్యాకుమారి వరకు ఆయన చేపట్టిన యాత్ర మంగళవారం పాయకరావుపేటకు చేరుకుంది. ఈ సందర్భంగా శ్రీప్రకాష్‌ విద్యాసంస్థల అధినేత సీహెచ్‌.వి.కె.నరసింహారావు తదితరులు స్వాగతం పలికారు. అనంతరం ఆయన విద్యార్థులతో ముచ్చటించారు. వ్యాయామాన్ని దినచర్యలో భాగంగా చేసుకోవాలని తెలిపారు. శారీరక దారుఢ్యంపై అవగాహన పెంచేందుకు యాత్ర చేపట్టానని వివరించారు. ఈ కార్యక్రమంలో ఉపాధ్యాయులు, విద్యార్థులు పాల్గొన్నారు.