Andhra News: పట్టపగలు.. ‘విచ్చలవిడి..!’

-న్యూస్‌టుడే, ఉక్కునగరం(గాజువాక)

ఈ చిత్రం చూస్తే.. ఏ సాహస విన్యాసమో, సినిమా చిత్రీకరణో అనుకుంటే పొరపాటే. ఓ యువకుడు మరో యువతిని తన ద్విచక్ర వాహన ఇంధన ట్యాంకుపై అపసవ్య దిశలో కూర్చొబెట్టుకుని పట్టపగలే రయ్‌ రయ్‌మంటూ దూసుకెళ్తున్నాడు. ఉక్కునగరం ప్రధాన రహదారిపై యువత వికృత చేష్టలను పక్కనే మరో కారులో వెళ్తున్న వ్యక్తులు చిత్రీకరించారు. ఈ వీడియో గురువారం సామాజిక మాధ్యమాల్లో వైరల్‌గా మారడంతో స్టీల్‌ప్లాంట్‌ పోలీసులు స్పందించి.. గాలింపు చేపట్టారు. గాజువాక సమీప వెంపలినగర్‌, సమతానగర్‌కు చెందిన యువతీ, యువకుడిని అదుపులోకి తీసుకుని స్టేషన్‌కు తరలించి కేసు నమోదు చేసినట్టు  స్టీల్‌ప్లాంట్‌ సీఐ వి.శ్రీనివాసరావు, ఎస్‌ఐ సీహెచ్‌.స్వామినాయుడు తెలిపారు.