హమ్మయ్య.. తరగతులన్నీ ఒకే చోట..!

అద్దె భవనంలోని గదిలో విద్యార్థులు

న్యూస్‌టుడే, గాజువాక: గాజువాక సమీప సింహగిరి   కాలనీ ప్రభుత్వ పాఠశాల విద్యార్థుల కష్టాలు కొంత మేర తీరాయి. ‘నాడు- నేడు’ పథకం కింద ఇక్కడి పాఠశాల భవనాన్ని గతంలో కూల్చేశారు. కొత్తగా చేపట్టిన నిర్మాణ పనులు నిధుల కొరతతో అసంపూర్తిగా నిలిచిపోయాయి. చిన్నారులను అదే కాలనీలోని వేర్వేరు ఇంటి ప్రాంగణాల్లో కూర్చొబెట్టి బోధన సాగిస్తున్నారు. ఈ సమస్యపై గత నెల 28న ‘ఈనాడు’లో ‘ఈ బడి ఏ క్షణమైనా రోడ్డున పడొచ్చు!’ శీర్షికన కథనం ప్రచురితమైంది. స్పందించిన డీఈఓ చంద్రకళ గత నెల 29న  పాఠశాలను పరిశీలించి.. అన్ని తరగతులు ఒకే చోట ఉండేలా అద్దె భవనంలో నిర్వహించాలని ఉపాధ్యాయులకు ఆదేశాలు జారీ  చేశారు. ప్రస్తుత పాఠశాలకు 250 మీటర్ల దూరంలోనే ఓ అద్దె భవనాన్ని తీసుకుని మంగళవారం నుంచి అన్ని తరగతులను ఒకే చోట  నిర్వహిస్తున్నారు.

గత నెల 28న ‘ఈనాడు’లో ప్రచురితమైన కథనం