వ్యర్థాలపై అలలే.. విదేశీయులొస్తే హడలే!!

ఇదీ.. రుషికొండ తీరంలో  అధ్వాన పరిస్థితి

ఈ నెలాఖరులో జరిగే గ్లోబల్‌ ఇన్వెస్టర్స్‌ సదస్సు, జీ-20 సన్నాహక సమావేశాల నిమిత్తం విశాఖ సాగర తీర ప్రాంతాల్లో సుందరీకరణపై అధికారులు దృష్టిసారించారు. పేరుగాంచిన రుషికొండ సాగరతీరానికి విదేశీయులు వస్తారని అంచనా.

బ్లూఫ్లాగ్‌ గుర్తింపు ఉన్న ఈ తీరం పలు చోట్ల ప్రస్తుతం డంపింగ్‌ యార్డులా మారింది. పేరుకుపోతున్న చెత్త, వస్త్రాల పీలికలు కాళ్లకు అడ్డుపడుతుండటంతో సందర్శకులు హడలిపోతున్నారు. నీటిలోకి దిగాలంటేనే జంకుతున్నారు. కొందరు ఆచితూచి అడుగేస్తున్నారు. సదస్సుల సమయానికి ఈ పరిస్థితిని మార్చకుంటే నగర పర్యాటక రంగానికి మచ్చ తప్పదని పర్యాటకులు భావిస్తున్నారు.

ఈనాడు, విశాఖపట్నం