వర్షాలతో ఉపశమనం

మ్యాన్‌హోల్‌ నుంచి ఉబికి వస్తున్న వర్షంనీరు

ఈనాడు డిజిటల్‌, విశాఖపట్నం: మార్చి ప్రారంభంలో ఎండలు మండిపోవడంతో ఇబ్బంది పడిన ప్రజలకు తాజా వర్షాలు కాస్త ఉపశమనం కలిగించాయి. జిల్లావ్యాప్తంగా ఆదివారం తెల్లవారుజాము నుంచి మధ్యాహ్నం వరకు తేలికపాటి నుంచి మోస్తరు వర్షాలు కురిశాయి. మధ్యాహ్నం వరకు ఆకాశం మేఘావృతమై, చలిగాలులు వీచాయి. అత్యధికంగా విశాఖ నగరంలో 3.4 సెం.మీ., భీమునిపట్నంలో 2.7 సెంటీమీటర్ల వర్షపాతం నమోదైంది. పలు చోట్ల లోతట్టు ప్రాంతాలు, రహదారులపైకి నీరు చేరడంతో ప్రజలు ఇబ్బందులు ఎదుర్కొన్నారు. మరో అయిదు రోజుల పాటు వర్షాలు కొనసాగే అవకాశముందని వాతావరణ నిపుణులు తెలిపారు. కనిష్ఠంగా పెందుర్తి మండలం అక్కిరెడ్డిపాలెంలో 19.7, భీమునిపట్నం మండలం కాపులుప్పాడలో 22.5 డిగ్రీల ఉష్ణోగ్రత నమోదైంది.

టౌన్‌కొత్తరోడ్డులో నిలిచిపోయిన నీరు