దసరా వచ్చేస్తోంది..!

ఈనాడు, విశాఖపట్నం

సినీహీరో నాని ఆదివారం విశాఖ నగరంలో సందడి చేశారు. త్వరలో విడుదల కాబోతున్న ‘దసరా’ సినిమా ప్రచారంలో భాగంగా ఓ హోటల్‌లో జరిగిన కార్యక్రమంలో చిత్ర విశేషాలు వివరించారు.

‘దసరా టీజర్‌కు మంచి స్పందన’

పెదవాల్తేరు, న్యూస్‌టుడే: దసరా చిత్రం టీజర్‌కు మంచి స్పందన వచ్చిందని హీరో నాని అన్నారు. సినిమా ప్రచారంలో భాగంగా విశాఖ వచ్చిన ఆయన ఆదివారం బీచ్‌రోడ్డులోని ఓ హోటల్లో  సమావేశం నిర్వహించారు. దసరా సినిమా కుటుంబ సమేతంగా చూడదగ్గ చిత్రమన్నారు. కీర్తిసురేష్‌తో  తాను చేస్తున్న రెండో సినిమా అన్నారు. నేను లోకల్‌ సినిమాలోనూ కలిసి నటించామన్నారు. ఈనెల 30న ఈ చిత్రం ప్రపంచ వ్యాప్తంగా విడుదలవుతుందన్నారు. పుష్ప, కేజీఎఫ్‌-2 సినిమాల మాదిరిగా దసరా సినిమాను కూడా ప్రేక్షకులు ఆదరిస్తారన్న నమ్మకం ఉందన్నారు. పాటలు కూడా బాగావచ్చాయన్నారు. శ్రీకాంత్‌ దర్శకత్వంలో సంతోష్‌నారయణ సంగీతం అందించారన్నారు. అంతకు ముందు క్రికెట్‌ స్టేడియంకు కూడా నాని వెళ్లారు