నూకాలమ్మ జాతర ప్రారంభం

అమ్మవారిని దర్శించుకుంటున్న భక్తులు

అనకాపల్లి, న్యూస్‌టుడే: ఉత్తరాంధ్రలో పేరొందిన అనకాపల్లి నూకాలమ్మ జాతర సోమవారం రాత్రి ఘనంగా ప్రారంభమైంది. ఖోఖో అసోసియేషన్‌ జిల్లా అధ్యక్షుడు దాడి జయవీర్‌, ఇన్‌ఛార్జి డీఎస్పీ మళ్ల మహేష్‌, సీఐ మోహనరావు, ఆలయ సహాయ కమిషనర్‌ చంద్రశేఖర్‌ ప్రత్యేక పూజలు చేశారు. ఆలయ ఆవరణను పూలు, విద్యుద్దీపాలతో అలంకరించారు. కోలాటం, చిడతల ప్రదర్శనలు ఏర్పాటయ్యాయి. ఐదుగురు సీఐలు, 15 మంది ఎస్సైలు, 200 మంది పోలీసులు బందోబస్తు నిర్వహిస్తున్నారు. కొత్తఅమావాస్య పూజల నిమిత్తం ఆలయాన్ని మంగళవారం సాయంత్రం 5 గంటలకు మూసివేయనున్నట్లు కార్యనిర్వహణాధికారి చంద్రశేఖర్‌ చెప్పారు. బుధవారం తెల్లవారుజామున 5 గంటలకు తిరిగి గుడిని తెరుస్తామన్నారు. ఉదయం 6 గంటల తర్వాత భక్తులకు దర్శనాలు కల్పిస్తామని పేర్కొన్నారు.