ఏయూ బీఈడీ స్పెషల్‌ ఎడ్యుకేషన్‌కు ఆర్‌సీఐ గుర్తింపు

వీసీ ప్రసాదరెడ్డి నుంచి ఉత్తర్వులు అందుకుంటున్న ఆచార్య టి.షారోన్‌ రాజు

ఏయూ ప్రాంగణం, న్యూస్‌టుడే : ఆంధ్ర విశ్వవిద్యాలయం బీఈడీ స్పెషల్‌ ఎడ్యుకేషన్‌ కోర్సుకు రీహాబిలిటేషన్‌ కౌన్సిల్‌ ఆఫ్‌ ఇండియా (ఆర్‌సీఐ) గుర్తింపు లభించింది. ఇటీవల ఏయూను సందర్శించిన ఆర్‌సీఐ నిపుణుల కమిటీ సభ్యులు ఏయూలో కోర్సు నిర్వహణ పరిశీలించారు. రెండు సంవత్సరాల కాల వ్యవధితో బీఈడీ స్పెషల్‌ ఎడ్యుకేషన్‌ కోర్సును ఏయూ నిర్వహిస్తోంది. ఒక్కొక్క సంవత్సరం 30 మందికి ప్రవేశం కల్పిస్తారు. 2027 సంవత్సరం వరకు కోర్సు నిర్వహణకు ఆర్‌సీఐ అనుమతి ఇచ్చింది. ఈ సందర్భంగా ఆర్‌సీఐ అందించిన ఉత్తర్వులను ఏయూ వీసీ ఆచార్య పి.వి.జి.డి.ప్రసాదరెడ్డి విద్య విభాగాధిపతి ఆచార్య టి.షారోన్‌రాజుకు అందజేశారు. ఆర్‌సీఐ అనుమతి లభించడం పట్ల వీసీ హర్షం వ్యక్తం చేశారు.