‘తూర్పుకాపులకు రాష్ట్ర వ్యాప్తంగా ఓబీసీ వర్తింపజేయాలి’

బీసీ కమిషన్‌ ఛైర్మన్‌ హన్స్‌రాజ్‌ గంగారామ్‌కు వినతిపత్రం ఇస్తున్న కాపు నాయకులు, చిత్రంలో ఎంపీ జీవీఎల్‌

పెదవాల్తేరు, న్యూస్‌టుడే: తూర్పు కాపులకు ఉత్తరాంధ్రలోనే ఓబీసీ రిజర్వేషన్లు ఇస్తున్నారని.. వారికి రాష్ట్రవ్యాప్తంగా ఓబీసీ రిజర్వేషన్‌ కల్పించాలని కోరుతూ ఎంపీ జి.వి.ఎల్‌. నరసింహారావుతో కలిసి కాపు నాయకులు దిల్లీలో సోమవారం జాతీయ బీసీ కమిషన్‌ ఛైర్మన్‌ హన్స్‌రాజ్‌ గంగారామ్‌కు వినతిపత్రం అందజేశారు. ఎంపీ జీవీఎల్‌ చొరవ పట్ల తూర్పు కాపు నాయకులకు ఆయనకు కృతజ్ఞతలు తెలిపారు. గొర్లె శ్రీనివాసనాయుడు, సరిపిడికల రామారావు, కరణంరెడ్డి నరసింగారావులు వినతిపత్రం ఇచ్చిన వారిలో ఉన్నారు.