సాగరంతో బంధం... రహదారికి అందం

కైలాసగిరి పైనుంచి అందంగా కనిపిస్తున్న  తీర ప్రాంత రహదారి

జీ20 సన్నాహక సమావేశాలకు విశాఖ ముస్తాబవుతోంది. ఈ నెల 28 నుంచి జరిగే ఈ సదస్సులకు వివిధ దేశాల నుంచి ప్రతినిధులు రానున్నారు. దీంతో ఆర్కేబీచ్‌- రుషికొండ తీర మార్గంలో సుందరీకరణ పనులు చేపట్టారు. రోడ్ల నిర్మాణంతో పాటు ఆయా ప్రాంతాలకు తగినట్లు రంగులు వేశారు. అలాగే కైలాసగిరిపై శివపార్వతుల విగ్రహాలకు రంగులు వేస్తూ తీర్చిదిద్దుతున్నారు. కైలాసగిరి కొండపై నుంచి చూస్తే తెన్నేటిపార్కు- సతీకొండ వెళ్లే మార్గం చూడముచ్చటగా కనువిందు చేస్తోందని సందర్శకులు పేర్కొంటున్నారు.

రంగులతో తీర్చిదిద్దుతున్న శివపార్వతుల విగ్రహాలు

ఈనాడు, విశాఖపట్నం