కొరియా ప్రతినిధులతో మంత్రి అమర్‌నాథ్‌ భేటీ

మంత్రి, అధికారులతో కొరియా  ప్రతినిధులు

ఈనాడు, విశాఖపట్నం: ఇంటర్నేషనల్‌ లేబర్‌ ఆర్గనైజేషన్‌ నేతృత్వంలో కొరియా అధికారుల ప్రతినిధి బృందం సోమవారం సర్క్యూట్‌ హౌస్‌లో మంత్రి గుడివాడ అమర్‌నాథ్‌ను కలిశారు. ఇరుదేశాల పరస్పర వాణిజ్య సహకారాలపై చర్చించారు. ఆంధ్రప్రదేశ్‌ పెట్టుబడులకు గమ్యస్థానమని, అందుకు రాష్ట్ర పారిశ్రామిక విధానం కారణమంటూ ప్రతినిధులకు ఆయన వివరించారు. వర్తక వాణిజ్య రంగంలో ఏపీ సౌత్‌ ఏసియాకు ముఖద్వారంగా నిలిచిందని, ఇరుదేశాల మధ్య వ్యాపార సంబంధాలు మరింత బలపడాలని ఆకాంక్షించినట్లు మంత్రి తెలిపారు. ఈ సమావేశంలో పరిశ్రమలశాఖ డైరెక్టర్‌ సృజన ఉన్నారు.