గ్రామీణులకు 20 రకాల వైద్య సేవలు

జెండా ఊపి వాహనాలను ప్రారంభిస్తున్న మంత్రి అమర్‌నాథ్‌

అనకాపల్లి గ్రామీణం, న్యూస్‌టుడే: గోపాలపురంలో మంత్రి గుడివాడ అమర్‌నాథ్‌ సోమవారం 104 వాహనాలను ప్రారంభించారు. ఈ సందర్భంగా మంత్రి మాట్లాడుతూ ఈ వాహనాల ద్వారా 20 రకాల వైద్యసేవలు గ్రామీణ ప్రజలకు అందుబాటులోకి వస్తాయన్నారు. దీర్ఘకాలిక వ్యాధులు, గర్భిణులు, బాలింతలకు సేవలు చేరువ అవుతాయన్నారు. ఈ వాహనాల్లో ఈసీజీ, రక్తపోటు, మధుమేహం వంటి పరీక్షలు చేస్తారన్నారు. వైద్య సేవలపై 104 నంబర్‌కు నేరుగా ఫిర్యాదు చేయవచ్చన్నారు. కార్యక్రమంలో ఎంపీపీ గొర్లి సూరిబాబు, జిల్లా పరిషత్తు ఉపాధ్యక్షురాలు సత్యవతి, వైద్య సిబ్బంది, నాయకులు పాల్గొన్నారు.