అధికారంలోకి రాగానే జెట్టీ మంజూరు

అనిత

అనితకు పుష్పగుచ్ఛం అందించిన మత్స్యకార సంఘ నాయకులు

నక్కపల్లి, న్యూస్‌టుడే: తెదేపా అధికారంలోకి రాగానే మత్స్యకారుల కోసం జెట్టీ మంజూరు చేయిస్తానని మాజీ ఎమ్మెల్యే వంగలపూడి అనిత హామీ ఇచ్చారు. జాతీయ మత్స్యకార సంఘ నాయకులు సోమవారం విశాఖలో ఆమెను కలిసి సమస్యలపై మాట్లాడారు. అనిత స్పందిస్తూ.. మత్స్యకారుల సంక్షేమానికి తెదేపా పెద్దపీట వేసిందన్నారు. రాయితీపై ఎన్నో పథకాలు అందించడంతోపాటు తీర ప్రాంతాల్లో మౌలిక సదుపాయాలు కల్పించిందన్నారు. వైకాపా ప్రభుత్వం వీటికి తిలోదకాలు ఇచ్చిందని మండిపడ్డారు. రానున్న ఎన్నికల్లో విజయం సాధించి అధికారంలోకి రాగానే నక్కపల్లి మండలానికి జెట్టీ మంజూరు చేయించడంతోపాటు త్వరితగతిన పూర్తయ్యేలా చూస్తానన్నారు. కొవిరి వెంకటేష్‌, పేర్ల శ్రీనివాసరావు, సిరిపల్లి అప్పలరాజు, వాసుపల్లి శివ తదితరులు అనితను  కలిసిన వారిలో ఉన్నారు.