జి-20 పైలాన్‌ జాతికి అంకితం

పైలాన్‌ను ప్రారంభిస్తున్న మంత్రి ఆదిమూలపు సురేష్‌, పక్కన మంత్రి అమర్‌నాథ్‌

పెదవాల్తేరు, న్యూస్‌టుడే: ప్రభుత్వం ప్రతిష్టాత్మకంగా నిర్వహిస్తున్న జి-20 సన్నాహక సదస్సు ఎప్పటికి గుర్తుండిపోయేలా పైలాన్‌ ఏర్పాటు చేయటం జరిగిందని మున్సిపల్‌ శాఖమంత్రి ఆదిమూలపు సురేష్‌ అన్నారు. వుడా పార్కులో మంగళవారం సాయంత్రం జి-20 సన్నాహక సదస్సు నేపథ్యంలో ఏర్పాటు చేసిన పైలాన్‌ను ఆయన ప్రారంభించి జాతికి అంకితం చేశారు. కార్యక్రమంలో మంత్రి గుడివాడ అమర్‌నాథ్‌, మున్సిపల్‌ శాఖ ప్రత్యేక కార్యదర్శి వై.శ్రీలక్ష్మి, కలెక్టర్‌ మల్లికార్జున, జీవీఎంసీ కమిషనర్‌ రాజాబాబు, వి.ఎం.ఆర్‌.డి.ఎ ఛైర్‌పర్సన్‌ అక్కరమాని విజయనిర్మల, ఎమ్మెల్సీ వరుదు కల్యాణి తదితరులు పాల్గొన్నారు.