ఆయన వెళ్లి నెలైంది.. అయినా..

కలెక్టరేట్‌లోని జిల్లా పౌరసరఫరాల కార్యాలయం సమాచార బోర్డు వద్ద పాత డీఎస్‌వో పేరు

కలెక్టరేట్‌, న్యూస్‌టుడే: అధికారులు మారినా బోర్డులపై వారిపేర్లు మాత్రం మారడం లేదు. జిల్లా కలెక్టరేట్‌లోని పౌరసరఫరాల కార్యాలయం వద్ద ఏర్పాటు చేసిన సమాచార హక్కు చట్టం బోర్డులో ఇంకా పాత అధికారి ప్రసాద్‌ పేరు తొలగించకుండా అలాగే ఉంచేశారు. జేసీ కల్పనాకుమారి నెలరోజుల క్రితం డీఎస్‌ఓను ప్రభుత్వానికి సరెండర్‌ చేశారు. ఆ బాధ్యతలను ఏఎస్‌ఓకు అప్పగించారు. నెలరోజులు అవుతున్నా నామఫలకం, సమాచార హక్కు బోర్డులో మాత్రం ఆ పేరునే కొనసాగిస్తున్నారు. కొత్తగా కలెక్టరేట్‌కు వివిధ పనులపై వస్తున్నవారు ఇంకా డీఎస్‌ఓగా ప్రసాద్‌ విధుల్లో ఉన్నారనే భావిస్తున్నారు. చాలామందికి పౌరసరఫరాల కార్యాలయంలో డీఎస్‌ఓ ప్రసాద్‌ ఇక్కడ విధుల్లో లేరని తెలియక ఆ పేరుతోనే దరఖాస్తులు ఇస్తున్నట్లు సమాచారం.