‘దోషులకు శిక్ష పడే వరకు ఉద్యమిస్తాం’

దేవరాపల్లి కూడలిలో ఆందోళనకారుల మానవహారం

దేవరాపల్లి, న్యూస్‌టుడే: ట్రాక్టరు యజమాని జామి సింహాచలంనాయుడు మృతికి కారకులైన వారిని కఠినంగా శిక్షించాలని దేవరాపల్లిలో బుధవారం రాత్రి భారీ కొవ్వొత్తుల ర్యాలీ జరిగింది. ఆయన మృతి చెంది పది రోజులు దాటినా పోలీసులు దోషుల్ని విచారించపోవడం పట్ల నిరసనకారులు ఆగ్రహం వ్యక్తం చేశారు. దోషులకు శిక్ష పడే వరకు ఉద్యమం కొనసాగుతుందని హెచ్చరించారు. బాధిత కుటుంబానికి బాసటగా  తరలివచ్చిన జనం సింహాచలంనాయుడు ఇంటి నుంచి కొవ్వొత్తులతో ర్యాలీగా బయలుదేరి నాలుగురోడ్ల ప్రధాన కూడలికి చేరుకుని మానవహారంగా ఏర్పడ్డారు. రోడ్డుపై బైఠాయించి నిరసన తెలిపారు. ఈ సందర్భంగా సీపీఎం నాయకుడు డి.వెంకన్న మాట్లాడుతూ సింహాచలంనాయుడు మృతిపై సమగ్ర విచారణ చేసి, దోషులను శిక్షించాలన్నారు.