ఉక్కు పరిరక్షణకు విన్నపాలు

ఎంపీ విజయసాయిరెడ్డిని కలిసిన ఉక్కు పోరాట కమిటీ నాయకులు

ఉక్కునగరం(గాజువాక), న్యూస్‌టుడే : విశాఖ ఉక్కు కర్మాగారాన్ని ప్రభుత్వ రంగంలోనే కొనసాగించేలా అన్ని పార్టీల ఎంపీలను కలుపుకొని కేంద్రంపై ఒత్తిడి తీసుకొస్తామని రాజ్యసభ సభ్యులు విజయసాయిరెడ్డి హామీ ఇచ్చినట్టు విశాఖ ఉక్కు పోరాట కమిటీ నాయకులు తెలిపారు. కార్మిక నాయకులు బుధవారం దిల్లీలో ఎంపీ విజయసాయిరెడ్డితో పాటు, వివిధ రాష్ట్రాలకు చెందిన ఎంపీలను కలిసి ఉక్కు పరిరక్షణకు సహకరించాలని విజ్ఞప్తి చేశారు. దిల్లీ పర్యటనకు వెళ్లిన ముఖ్యమంత్రి జగన్‌మోహన్‌రెడ్డిని కూడా కలుస్తామని పోరాట కమిటీ నాయకులు డి.ఆదినారాయణ, ఎం.రాజశేఖర్‌, జె.అయోధ్యరామ్‌, మస్తానప్ప, గణపతిరెడ్డి, వి.శ్రీనివాసరావు, కె.ఎస్‌.ఎన్‌.రావు తదితరులు తెలిపారు.