దహనం చిత్రంలో అనకాపల్లి కళాకారులు

అనకాపల్లి పట్టణం, న్యూస్‌టుడే: కిమ్స్‌ ఐకాన్‌ ఆసుపత్రి మేనేజింగ్‌ డైరెక్టర్‌ డాక్టర్‌ పెతకంశెట్టి సతీష్‌ కుమార్‌ నిర్మాణ సారథ్యంలో దర్శకుడు ఆడారి మూర్తిసాయి నిర్మించిన దహనం చిత్రంలో అనకాపల్లి కళాకారులు నటించారు. శుక్రవారం విడుదల కానున్న ఈ చిత్రంలో దేవాదాయ శాఖాధికారిగా మళ్ల సురేంద్ర, అనకాపల్లికి చెందిన దాడి జగన్‌, గోల్డ్‌ వాసు నటించారు. విడుదలకు ముందే దహనం చిత్రం ఆరు జాతీయస్థాయి అవార్డులు అందుకున్నట్లు కళాకారులు తెలిపారు. లాహిరిలాహిరి లాహిరిలో చిత్ర ఫేమ్‌ ఓం ఆదిత్య హీరోగా, శాంతి చంద్ర, ఎఫ్‌ఎం బాబాయ్‌ చిత్రంలో నటించారు.