ఆటోనగర్‌లో పార్కింగ్‌ ఆశీలుకు వేలం

గుత్తేదారుకు అనుమతి పత్రం అందిస్తున్న ఐలా కమిషనర్‌ సూర్యనారాయణ, తదితరులు

అక్కిరెడ్డిపాలెం, న్యూస్‌టుడే : ఆటోనగర్‌లో వాహనాల పార్కింగ్‌ ఆశీలు వసూళ్లకు శుక్రవారం ఏపీఐఐసీ సమావేశ మందిరంలో వేలం పాట నిర్వహించారు. ఐలా కమిషనర్‌ కె.సూర్యనారాయణ సమక్షంలో నిర్వహించిన వేలంలో అయిదుగురు గుత్తేదార్లు పోటీ పడగా, శ్రీ నూకాంబిక ఇంజినీరింగ్‌ ఎంటర్‌ప్రైజస్‌ యజమాని రూ.4,36,300లకు వేలం పాట దక్కించుకున్నారు. ఏడాది పాటు ఆటోనగర్‌ ఏరియాలో వాహనాల పార్కింగ్‌ ఫీజు వసూళ్లకు అవకాశం ఉంటుందని తెలియజేస్తూ ధ్రువీకరణ పత్రం అందజేశారు. ఐలా అధ్యక్షులు కె.సత్యనారాయణరెడ్డి, ప్రధాన కార్యదర్శి చీకటి సత్యనారాయణ, సభ్యులు పద్మావతి, బాపిరాజు తదితరులు పాల్గొన్నారు.
* అనంతరం ఏటా మాదిరిగా ఐలా వార్షిక ఆదాయంలో 33 శాతాన్ని రూ.2.15 కోట్లను పన్ను రూపంలో జీవీఎంసీకి అందజేశారు.